تعليق صادم ومزلزل من محمد رمضان على أزمة بيومي فؤاد ومحمد سلام؟!

عبر الفنان محمد رمضان عن رأيه بالضجة التي أحدثتها الأزمه بين الفنان بيومي فؤاد والفنان محمد سلام مؤخراً.

وقال محمد رمضان عبر حسابه على إنستجرام: "رسالتي لكل جمهوري العربي رأس مال أي فنان أو نجم في الدنيا هو الناس اللي هما حضراتكم، بنطلب من كل حبايبنا وكل اللي حاولينا أمي وأبويا يدعو أن ربنا يحبب فيا الناس والجمهور".وأضاف: "شيء قاسي لما أكتر حد أنت تبقى عايز تسعده وتنال رضاه هو اللي يكون قاسي عليك بالكلام، وكلامي عن زملائي وأخواتي وأنا بتشرف بيهم الاتنين محمد سلام وبيومى فؤاد، لا سلام غلط ولا بيومي غلط حتى لو في ذلة لسان".

وتابع: "إحنا بنقول اللهم لا تؤاخذنا إن نسينا أوأخطانا، لوغلطنا وإحنا بنصلى ربنا بيسامحنا، فعملوا إيه الاتنين عشان نكون قاسين عليهم من هنا على سلام أو بيومي".

وواصل: "الأخبار اللي بسمعها اللي إن شاء الله تكون إشائعات إن سلام مش هيشتغل ولا حد هيسمح بكدا ولا إحنا كفنانين ولا الجمهور هيسمح بكده، اللي هو في ضهر أي فنان بيحبه وبيساعده.. ولا إحنا مع بيومي أن يقفل الكومنتات عشان ميشوفش كلام وحش، ياريت نكون أحن من كده على بعض".

وكانت الأزمة اشتعلت بين محمد سلام وبيومي فؤاد بعد انتقاد الأخير قرار سلام بالانسحاب من عروض مسرحية زواج اصطناعي ضمن فعاليات موسم الرياض، هذا القرار الذي جاء بسبب الأوضاع المأساوية الجارية في غزة.

وقال بيومي فؤاد في انتقاده لمحمد سلام: "من حقك تعتذر عن المسرحية لكن مش من حقك تغلط في فنك، احنا مش بنيجي عشان نضحك حضراتكم، احنا بنقدم فننا، أنتو بتحترمونا واحنا بنحترمكم جدا، شيء عظيم أن الفنان يبقى ليه جمهور في كل الدول، شيء عظيم أني أتصور مع شاب سعودي أو سيدة سعودية، وهي تعلم أن أنا مصري، أنا بشرف بلدي".وتابع: "كنت بحاول أخفف عن الراجل اللي أنقذ موقف وكان قدها اسمه محمد أنور، أنا فنان مصري وليا الشرف، جيت المملكة العربية السعودية وليا الشرف، كتر خيركم، احنا بنتعب وبنشقى عشان نقدم فن، مش عشان نيجي نضحك".